Jaun Elia ki zindagi, adabi safar, mashhoor kitaabein aur unki be-misal shayari ka ek mukammal jaiza. Unke dukh, mohabbat aur baghawat se bhari shayari har dil ko choo jati hai.
Zindagi Ka Safar
Jaun Elia Urdu adab ke sabse azeem aur be-misal shayar guzaray hain. Unka asal naam Syed Hussain Sibt-e-Asghar Naqvi tha, magar duniya unhein Jaun Elia ke naam se jaanti hai. Unka paidaish 14 December 1931 ko Amroha, Uttar Pradesh, Hindustan mein hui.
Jaun Elia ek zabardast shayar hone ke saath-saath filosof, mutarjim (translator), maqala-nigar aur nasr-nigar bhi thay. Unka taluq ek ilmi gharane se tha, aur bachpan se hi unka zabaan aur adab ki taraf rujhan tha. 1947 mein jab Hindustan ka taqseem hua, to unka dil bhi do hisson mein bat gaya. Woh 1957 mein Pakistan hijrat kar gaye aur Karachi ko apna ghar bana liya.
Jaun Elia sirf ek shayar nahi balki ek sochnay wala dimagh bhi thay. Unki shayari mein mohabbat, tanhaayi, baghawat, aur zindagi ke dukhon ka gehra asar hai. Unki misaali zubaan aur asar-andaz lehja unhein doosray shayaron se alag banata hai.
Jaun Elia Ki Kitabein
Jaun Elia ne bohot dair tak apni shayari ko kitaabi shakal nahi di, magar unke doston aur chahne walon ki zid par unka pehla majmua-e-kalam “Shayad” (1991) ke naam se shaya hua. Is kitaab ne unhein fankaron aur shayaron ke darmiyan ek alag rutba diya.
Unki chand mashhoor kitaabein yeh hain:
- Shayad (1991) – Pehli aur sabse mashhoor kitaab.
- Ya’ani (2003) – Unki wafat ke baad shaya hui.
- Gumaan (2004) – Ek aur behtareen majmua-e-kalam.
- Lekin (2006)
- Goya (2008)
- Faramosh (2016)
- Kyun (Urdu) (2024)
In kitaabon mein Jaun Elia ki lajawab ghazlain, nazmein, aur mukhtalif mukalaat shamil hain.
Mashhoor Sher
“Usi ke hum huay jo na hua hamara”
( Meaning – Hum us shakhs ke ho gaye jo kabhi hamara na tha)
“Kya sitam hai ke ab teri surat, ghoorne ki cheez reh gayi hai”
( Meaning – Jise mohabbat se dekha tha, aaj sirf yaadon ka hissa reh gaya hai)
“Main bhi bohot ajeeb hoon itna ajeeb hoon ke bas, khud ko tabaah kar liya aur malaal bhi nahi”
( Meaning – Apni barbaadi ka ehsaas bhi hai, magar pachtawa nahi)
Aakhri Alfaaz
Jaun Elia ne apni zindagi ka aksar hissa udaasi, intehaayi soch aur tanhaayi mein guzara. Unki shayari har us insaan ke dil ko choo jati hai jo mohabbat, judai, aur tanhaayi se guzra ho. Unki wafat 8 November 2002 ko Karachi mein hui, magar unka kalaam aaj bhi har shayari pasand karne wale ke dil mein zinda hai.
Jaun Elia sirf ek naam nahi, balki ek ahsas, ek soch aur ek dukh ka naam hai jo har mohabbat karne wale ki kahani bayan karta hai.
Follow us Instagram
For more info about Jaun Elia